沪语朗读：疯疯兔

朗读者

来源：童星艺苑

作者：毕健民

沪语改写：徐蔚华

朗读：疯疯兔

（一）小飞鱼遇险了

勒一片邪气宽阔个大海浪向，海个表面像镜子一样，邪气光滑、邪气平静，勒阳光下头一闪一闪发光。

蓝颜色个海水里向，有一条小飞鱼，伊个名字叫超敏，勒搭伊个小朋友一道邪气开心个白相。伊拉着勒隐形外套，像海水颜色一样个，要勿是勒游个辰光露出来小小个白肚皮，勒勒一晃一晃，侬老难看出伊拉勒海水里向个身影。

小飞鱼拉白相得来老开心个辰光，突然之间从水个下头，老老远个地方传过来一阵一阵邪气沉闷个响声。超敏个耳朵是特别灵敏个，伊听到搿个声音以后，马上就讲拨伊个朋友听了。

“大家快点静一静，娜听到啥个声音伐？”刚刚勒嘻嘻哈哈个小飞鱼侪一记头静下来了，伊拉侪朝发出声音个方向仔仔细细个听啊，听啊，“轰隆，轰隆，轰隆，轰隆”个响声朝伊拉搿搭传过来……乃末大家就猜唻，有个讲，好象是鲸鱼发出来个，但是又勿大像；又有个小朋友讲好象是海狗个叫声，不过也勿像呀！一时上头，大家侪分辨勿出到底是啥个物事发出来个怪声音。

轰隆，轰隆个响声勿停个朝小飞鱼个方向传过来，越来越近了，伊拉侪紧张得来，心也要跳出来了，大难马上就要临头了，哪能办呢？

搿个辰光，超敏就开始发号令了，伊用老老大个声音喊：“阿拉勿好等勒海，等下去要死脱个，快点跟牢我一道冲出去，阿拉拿出本事来，大家快点飞起来呀！”

伊深深个吸了口气，屏牢仔呼吸，尾巴用足了力道，带头“嗖”一记，从水里向弹出来，像子弹一样个飞出去了。勒空中划出了一条银白色个闪闪发亮个弧线。其它个小飞鱼也紧紧个跟勒伊个后头“嗖、嗖、嗖、嗖”个飞到空中去了。伊拉用足了力道，张开宽宽长长个胸鳍，尽量让自家个身体保持平衡、再平衡，伊拉飞呀、飞呀，一条条小飞鱼勒空中银光闪闪，像煞是一架架小飞机，尽情地飞翔。勒飞个辰光，伊拉还勿停个摇伊拉个尾巴，搿能介就好飞勒更加高，更加远……伊拉一道唱起了《小飞鱼儿歌》歌声邪气欢快：

海上一架架小飞机，

搿是飞鱼小兄弟。

啥地方有情况紧急，

啥地方有飞机起飞。

飞呀飞呀飞飞飞，

海上快乐个小兄弟。

图片来自网络

吴侬细语吟诗词歌赋

往期回顾：

老底子上海人个汰浴

一个上海男小囝个品牌意识

上海闲话当中个“小菜”

想起当年高考

对小菜，上海人一向认真

詩詞賞析——減字木蘭花·冬至

“冬至”吃冬酿酒了

万种风情一只“嗲”

豪宅不能建在浮冰上

“上海言话讲起来”旨在传播沪语，若有不当之处，恳请留言指正。

感谢您的支持转发，欢迎